Franceska,si kane qene ofertat qe ke marre per pune pas daljes nga “Big Brother”?
Realisht kam pasur shume oferta te mira nga njerez serioze dhe ndihem shume mire nga kjo pjese. Kryesisht ofertat me te mira dhe me te paguara i kam pasur ne Kosove. Kam pasur oferta te shumellojshme, sidomos ne fushen e modelizmit, por oferten time kryesore, ate qe une pretendoj per ne televizion, nuk e kam marre akoma.
Edhe ti si vajzat e tjera te BB, qe kane pretenduar televizionin…
Nuk jam si vajzat e tjera. Une e meritoj, sepse kam qene vetvetja (qesh).
Cfare do te doje te beje ne TV?
Kam qejf te jem moderatore, te prezantoj ndonje emision rinor, por edhe ne radio nuk do te ishte keq. eshte nje pune qe mua me pelqen ta bej. Duke qene se jam e vogel dhe sa kam hyre ne universitet nuk mund te pretendoj per ndonje pune zyre apo dicka tjeter. Kjo eshte puna e vetme qe une mund te bej.
Ne Kosove duket sikur te vleresojne me shume. Cilat kane qene ofertat me te larta qe te jane bere?
Ofertat me te larta jane kur behesh imazh i nje kompanie. Mua me eshte ofruar dicka e tille keto dite, ndaj do udhetoj drejt Kosoves. Ndersa sfilatat apo fotot kane nje cmim me te ulet se imazhi, po nje cmim me te larte sesa paguhesh ketu. Une nuk paguhem jo vetem si modele por edhe si personazh.
Si jane cmimet?
Ne sfilaten e fundit qe isha u pagova 400 euro per dy dite me cdo gje te perfshire, vetem per disa minuta pune. Ndersa per imazh flitet per shuma qe nuk jane poshte 1000 eurove. Une po e diskutoj kete oferte per nje kompani qe eshte ne Kosove dhe pse s’e kam ende te sigurt.
Ne Shqiperi si kane qene ofertat?
E vetmja gje qe kam bere ketu, ka qene sfilata e “Geraldina Sposa”, ku jam paguar shume mire, kjo edhe si personazh. Ne sfilatat e tjera nuk kam shkuar, sepse nuk mund te shkoj diku ku paguhesh 50 euro per sfilate, apo ka vajza te tjera qe shkojne edhe pa leke. Kete pune e bej per pasion, por edhe per te fituar leke, pasi nuk kam mundesi te tjera.
Shume vajzave te reja shpesh u behen oferta te pandershme, te themi…
Kjo eshte shume e vertete. eshte mjaft e veshtire te cash ne kete bote, si ne modelizem apo dicka. Nuk e di nga se vjen kjo. Ndoshta jane bere meshkujt shume feministe dhe duan gjithmone te marrin dicka ne kembim edhe kur ti mund ta meritosh ate vend pune, apo ate mundesi per te pozuar apo sfiluar. Kam degjuar shume raste te tilla, po personalisht nuk do ta beja kurre dicka te tille. Ate qe dua ta arrij, dua ta arrij me forcat e mia.
Eshte perpjekur dikush te perfitoje ne kete menyre nga ty?
Po, jane perpjekur, ndersa ne Kosove, te them te drejten, s’me ka ndodhur asgje e tille. Kam pasur oferta te ndryshme ketu ne Shqiperi, qe gjithmone drejtoheshin diku tjeter, jo te puna. Kur diskutohet per pune, une jam shume e prere dhe nuk bej kompromise te tjera. Nuk me pelqen kur per nje pune merr oferta te tjera per darka apo per shoqerime te teperta, qe dihet se ku e kane synimin.
Si ke reaguar?
Normalisht i kam refuzuar gjithmone, sepse nuk me intereson kjo pjese. Puna eshte pune, per mendimin tim.
Mendon se je aq e forte sa per ta perballuar kete presion?
Te them te drejten keto kohet e fundit kam qene shume e zhgenjyer nga kjo pjese, sepse po mundohem shume per te gjetur nje pune dhe njerezit me shohin me shume si femer te bukur sesa si nje njeri te afte per ta kryer ate pune. Kam qene shume e merzitur, por fatmiresisht kam njerez qe me rrine afer gjate gjithe kohes, si familja ime. Ndonjehere te jesh person publik nuk eshte aq e lehte sa duket. Ndoshta edhe mosha ime me ben pak te forte per ta perballuar, por po ia arrij me sukses.
Do te shkelje ndonjehere mbi parimet e tua per nje oferte marramendese?
Jo! Asnjehere. Per mendimin tim, i bie te marresh dicka ne shkembim te vetes apo trupit tend. Atehere cila eshte diferenca me femrat qe kete gje e kane pune!
Ka njerez te pasur qe perpiqen ta blejne bukurine me leket qe kane?
Ka plot raste qe kam degjuar, por edhe qe kane tentuar me mua.
Momentet me te veshtira per ty pas daljes nga Big Brother, cilat kane qene?
Pjesa qe me nervozon me shume jane gazetat. Jane lajmet e paverteta qe publikohen, te cilat lendojne mua dhe familjen time. Nuk e di nese eshte nje perpjekje per te me ulur imazhin, apo jam nje personazh qe shet gazeten. eshte fakti qe po kerkoj nje pune stabel, te cilen ende nuk po e gjej. Normalisht ka qene edhe ndarja me Ermalin moment i veshtire, qe tani e kam superuar me sukses. Nuk ishte nje ndarje qe erdhi befas, por nje ndarje qe erdhi gradualisht. Kjo me beri qe ta harroja kete pjese.
Keni ngelur miq me Ermalin?
Nuk mund te them miq, sepse eshte shume heret qe te ngelemi miq.
A urreheni, apo ka ngelur respekt mes jush?
Nuk mund te them qe urrehemi, sepse une jam tip qe fal dhe e justifikoj ate shume mire. Dihet qe nje lidhje qe lind ne “Big Brother” jo gjithmone vazhdon.
E ke pasur frike kete kur u lidhe?
Te them te drejten, po. E kam pasur frike gjithe kohen. Duke qene se une me Ermalin edhe brenda, po edhe jashte qe u lidhem me teper; une shkoja ne shtepine e Ermalit, rrija, flija aty… Nuk e prisja, pasi mendoja se ishte nje lidhje serioze. Megjithate, dihet qe nje edicion i tille eshte shume i gjykuar dhe ajo qe gjykohet me shume eshte femra. Une kam qene ajo e gjykuara ne kete mes dhe ndoshta kane arritur te prishin pune edhe fjalet e njerezve dhe te gjitha keto se bashku.
Si i kishe raportet me prinderit e Ermalit?
Kisha kontakte shume te mira, te cilat nuk i ruaj me. Nese do t’i ndesh, sigurisht qe do i pershendes me respektin me te madh.
Te kishin qejf?
Ata me kane respektuar si te dashuren e djalit te tyre, madje mund te them qe me kane ofruar nje mbeshtetje edhe me te madhe sesa kjo.
Tani je per t’u nisur per ne Kosove?
Po. Shyqyr zotit po me ecen shume mire ne Kosove. Nuk e kuptoj as vete (qesh). Me pelqen Kosova dhe njerezit atje, sepse nuk jane aspak perfitues. Te shohin vetem per punen qe ti do besh. Nuk me ka ndodhur asnjehere asgje e keqe ne Kosove dhe shkoj aty me besimin me te madh. Pagesa eshte shume e mire dhe derisa i kam keto mundesi po i shfrytezoj. Bukuria sot eshte neser jo. Nuk do jem keshtu sic jam.
The me pare qe doje te pozoje per Fadil Berishen?
Po. Kjo eshte deshira ime dhe shpresoj te me realizohet. Normalisht eshte dicka qe cdo fotomodele e enderron te pozoje per Fadil Berishen. Shpresoj qe t’i kem disa foto me Fadilin dhe pastaj t’i publikoj te gazeta juaj (qesh).
Nese ofertat ne Shqiperi nuk do te jene ato te priturat, a do ta provoje fatin jashte Shqiperise?
Po. Patjeter qe po. Modelizimi ne Shqiperi nuk paguhet. Nuk ke shume mundesi per te ecur perpara. Kjo pyetje me eshte bere dhe ne Kosove, nese do te kisha oferte ne ndonje televizion atje; gjithmone kam thene po. Do ta provoja.
Ne Kosove nuk ke marre ndonje oferte?
Jo. Akoma jo. Sa here kam shkuar ne Kosove, kam mbaruar pune dhe nuk kam ndenjur gjate. Kete here qe do shkoj do rri nja dy dite me teper (qesh).
Na thuaj nje sekret qe nuk e ke thene me pare…
Nuk kam. Jam e sinqerte dhe i them te gjitha (qesh). Do ta marr burrin nga Kosova (qesh). Jam beqare dhe kam humbur dy kile.
Mendon te rilidhesh se shpejti?
Nuk e kam ndermend fare. Normalisht jam per lidhjet serioze, jo te martohem apo dicka e tille. Thjesht dua siguri dhe nuk kam me nevoje per aventura ne jeten time. Ka kaluar shume pak kohe qe une jam ndare nga Ermali dhe nuk e gjej dot njeriun e duhur. Ndoshta jam une akoma e lenduar apo e zhgenjyer nga meshkujt. Nuk e di. Nuk ndihem gati per nje lidhje. Nuk e perballoj dot. Jam gjithe kohen ne levizje, por jam edhe shume besnike. Nese lidhem me dike, do heq dore nga gjithe gjerat e tjera.
Je xheloze?
Me ka dale pak nami, por edhe jam ca (qesh). Nese do kisha nje njeri qe i perket botes se artit, do isha shume xheloze, sepse e di qe do jete ne kontakt te vazhdueshem me femrat. Nuk me pelqen kjo gje. Dua nje njeri te thjeshte, jo te famshem.
Je vertet e zhgenjyer nga lidhja me Ermalin?
Jam e zhgenjyer, sepse dhashe shume nga vetja. Ndoshta nuk mora aq sa meritoja. Normalisht perfundimi i cdo lidhjeje ka nje faze zhgenjimi dhe do kohen e vet per te kaluar. Une dhashe maksimumin dhe nuk e kuptova perse erdhi ndarja, nuk di si te sillem me ne nje lidhje tjeter. Derisa te jem e sigurt dhe e qarte me veten, nuk do krijoj nje lidhje te re.
Jonida Hitoveizi gazeta MAPO
0 komentet:
Posto një koment